Հինգշաբթի, 28 մարտի, 2024 թ.
|
Ստեփանակերտում`   +7 °C

«Արժեք չունեն Վանեցյանի ու Միշիկ Մինասյանի զավեշտալի հայտարարությունները». Արմեն Դանիելյան

«Արժեք չունեն Վանեցյանի ու Միշիկ Մինասյանի զավեշտալի հայտարարությունները». Արմեն Դանիելյան
383
Ուրբաթ, 03 հուլիսի, 2020 թ., 04:35

ՀՀ գլխավոր դատախազի նախկին տեղակալ Արմեն Դանիելյանը ֆեյսբուքյան իր էջում գրել է. «Հաճախ լսելով ոմանց «քաղաքական ողբը»՝ զարմանում եմ: Երկիրս բառիս բուն իմաստով «վարի տված» որոշ անհայրենիք մարդիկ այնպիսի վախճանաբանական ողբեր են հնչեցնում, որ, եթե, չիմանայինք դրանց ով լինելը, կմտածեինք, թե հաշված ժամերի ընթացքում Հայաստանը կործանվելու է, փրկության ելք այլևս չկա: Իսկ վարի տալը, ավերելը, կողոպտելն ու սպանելը, ցավոք, ոմանց կայուն և անփոփոխ ձեռագիրն է: Նրանց ամեն մի խոսքի մեջ կա ընդգծված ցինիկություն և անլրջություն: Նրանք այդպես էլ հպարտություն չունեցան՝ ընդունելու սեփական ոճրագործությունները (դեռ թուրքից էլ բան էին պահանջում) և չեն էլ անի, քանզի մնացել են բառիս բուն իմաստով անպատիժ: Նրանց ամեն մի հայտարարությունը բացահայտում է այդ մարդկանց ու շրջանակների այն ողբերգական վիճակը, որի մեջ նրանք հայտնվել են: Եվ իրենց անլուրջ քայլերով, անհեթեթ ստերով նրանք էլ ավելի են բարդացնում իրենց ողբերգական վիճակը...
Ողբաբանության տեսանկյունից բացարձակ արժեք չունեն Արթուր Վանեցյանի ու Միշիկ Մինասյանի զավեշտալի հայտարարությունները, իսկ Գագիկ Ծառուկյանի՝ սիրողական մակարդակի «քաղաքական ելույթների» բովանդակությունն այնքան անընկալելի է, որ անգամ թարգմանիչներն են հայտնվում ծանր դեպրեսիայի մեջ:
Թվում է՝ նրանք այսօր խիստ «մտահոգված են» հասարակության բազմաթիվ խնդիրներով, մինչդեռ նրանց նպատակը մեկն է՝ իշխանափոխություն, կամ որ նույնն է՝ վերադարձ հնին. և բնավ էլ պատահական չէ, որ անտանելի կեցվածք ունեցող այդ գործիչները տարբեր հայտնի և անհայտ խոհանոցներից փորձում են շիզոֆրենիկ բացահայտումներով երկիրն ու ժողովրդին ներքաշել իրենց հյուսած արկածախնդրությունների մեջ:
Ու զարմանալին այն է, որ երկրի հիմնասյուները քանդող արկածախնդիրներն, իրար հերթ չտալով և փոխլրացնելով մեկը մյուսին անվերջ խոսում են դիմացինի արկածախնդրությունից ու կործանելուց։ Այն դեպքում, երբ նրանց թողած ողջ ժառանգությունը (քաղաքական, տնտեսական, իրավական և այլն) մինուս զրո է:
Հ.Գ. Մեծ դժբախտություն է մեր երկրի և ժողովրդի համար ունենալ անզգամներից կազմված մի «ընդդիմություն», ով, նախկինում կրելով քաղաքական պատասխանատվություն, առաջնորդվել է բացառապես ամեն ինչը և բոլորին վարի տալու կործանարար սկզբունքով, իսկ այսօր էլ փորձում է ներկայանալ մեզ «փրկելու ազգապահպան օրակարգով»...
Մենք Միշիկ Մինասյաններին, Արթուր Վանեցյաններին, գևորգ կոստանյաններին և մնացած մեծ ու փոքր աղետներին վերադարձնելու ոչինչ, առավել ևս Հայրենիք չունենք...»: