Երկուշաբթի, 14 սեպտեմբերի, 2026 թ.
|
Ստեփանակերտում`   +24 °C

Ուկրաինային սննկացում է սպառնում․ #Handelsblatt

Ուկրաինային սննկացում է սպառնում․ #Handelsblatt
1168
Երկուշաբթի, 06 հուլիսի, 2020 թ., 20:45

Ուկրաինայի ազգային բանկի ղեկավար Յակով Սմոլիի հրաժարականի հետևանքը կարող է հանգեցնել երկրի սննկացմանը, գրում է գերմանական Handelsblatt գործարար թերթը: «Ուկրաինան՝ որպես պետություն, կրկին կանգնած է սնանկության եզրին, քանի որ Կիևը պետք է անհապաղ մի քանի միլիարդ դոլար վճարի օտարերկրյա պարտատերերին: Միայն այս տարի Ուկրաինային անհրաժեշտ է վերաֆինանսավորել հին վարկերը, որոնք կազմում են 17 միլիարդ դոլար և որոնց մարման ժամկետն արդեն ավարտվում է»,- գրում է թերթը:

Հրապարակումը նաև մեջբերում է լոնդոնյան BlueBay ընկերության փորձագետ Թիմոթի Էշին, ով Ուկրաինայի ազգային բանկի ղեկավարի հրաժարականի վերաբերյալ հայատարարեց, որ այն «լուրջ հարված է Ուկրաինային, ինչպես նաև մեծ ռիսկ է երկրի շուկայի և ֆինանսական կայունության համար»: Ըստ հոդվածի՝ 2014-ից Ուկրաինայի ֆինանսական գոյատևումն ապահովվում է Արժույթի միջազգային հիմնադրամի կողմից միլիարդավոր դոլարների վարկերի տրամադրման միջոցով:

Սմոլին հրաժարականի դիմում է ներկայացրել հուլիսի 2-ին: Նա իր որոշումը բացատրել է այն փաստով, որ Կենտրոնական բանկը երկար ժամանակ գտնվում է քաղաքական ճնշման տակ: