Ինչո՞ւ չի թանկանում #Bitcoin-ը․ պարզաբանում են վերլուծաբանները

1096

Հինգշաբթի, 09 հուլիսի, 2020 թ., 20:45

Bitcoin կրիպտոարժույթի փոխարժեքի երկարատև, բազմակի աճի համար կրիպտոշուկայում բացակայում են համակարգային ներդրողները, գրում է РБК-ն։ Այս մասին հայտնել է eToro ընկերության վերլուծաբան Սիմոն Փիթերսը: Նրա կարծիքով, կրիպտոարժույթի փոխարժեքի 10 հազար դոլարից ավել կայուն աճի համար անհրաժեշտ է

մեծ ներդրումների տեսքով ներարկումներ, որոնք կարող են իրականացվել միայն կազմակերպությունների կողմից: Հատկապես, երբ խոսքը 30-40 հազար դոլարի փոխարժեքի մասին է, գրում է Bitcoin.com կայքը։
Փիթերսի կարծիքի հետ համամիտ է BestChange.ru կայքի ավագ վերլուծաբան Նիկիտա Զուբորևը։ Բիթքոինի փոխարժեքի աճը շարունակելու համար անհրաժեշտ են նոր ներդրումներ: Ներդրումների անհրաժեշտ ծավալը կարող է տրամադրվել ինստիտուցիոնալ ներդրողների հաշվին:
Սակայն կրիպտոշուկայում նման դերակատարողների կապիտալի զանգվածային ներհոսքը դեռ կասկածի տակ է: Որպեսզի ինստիտուցիոնալ մասնակիցները մուտք գործեն կրիպտոշուկա, անհրաժեշտ է զարգացնել դրա ենթակառուցվածքները: Խոսքը նոր տեսակի օրենսդրական կարգավորումների և մանիպուլյացիայի դեմ պայքարի մասին է: Այս խնդիրների առկայությունը կանխում է կրիպտոարժույթի ոլորտում միջոցների ներդրմանը և կանխում է փոխարժեքի աճը։