Փորձագետների կանխատեսմամբ՝ նավթի գինն առաջիկա տարիներին կբարձրանա՝ մեկ բարելի դիմաց հասնելով 150 դոլարի. #WSJ

1729

Ուրբաթ, 10 հուլիսի, 2020 թ., 14:10

Ներդրողները և վերլուծաբանները փորձում են գնահատել նավթի շուկայի հեռանկարը, որն այս տարի ծանր հարված ստացավ կորոնավիրուսի համավարակի պատճառով, գրում է ամերիկյան The Wall Street Journal պարբերականը:

Որոշ փորձագետներ կարծում են, որ նավթային ընկերությունների կողմից ներդրումների կտրուկ կրճատումը կարող է հանգեցնել նավթի գների կտրուկ աճի, որի հետևանքով համաշխարհային շուկայում այն կբարձրանա՝ մեկ բարելի դիմաց գերազանցելով 100 դոլարը:
«Ֆինանսական ճնշումը զգալի է: Որոշ ընկերությունների համար դժվար է դառնում արդյունահանումը։ 2025 թվականին մեկ բարել նավթի արժեքը շատ հանգիստ կարող է հասնել 150 դոլարի»,- ասել է ամերիկյան Northern Trace Capital հիմնադրամի ներկայացուցիչ Թրեվոր Վուդսը:

Ապրիլին ամերիկյան ExxonMobil նավթային ընկերությունը հայտարարեց, որ նավթի ցածր գների պատճառով կապիտալ ծախսերը նվազեցնում է 30, իսկ գործառնական ծախսերը՝ 15%-ով։ Բրիտանական BP-ն ապրիլի 1-ից նվազեցրել է կապիտալ ծախսերը մեկ քառորդով: