«Կարճ ասեմ՝ ինչքան կարևոր է թշնամու ԱԹՍ-ների շարքից դուրս բերումը». Դավիթ Սանասարյան

Լիազորությունները կասեցված ՊՎԾ պետ Դավիթ Սանասարյանը ֆեյսբուքյան իր էջում գրել է. «Որպեսզի պարզ դառնա, թե ինչքան կարևոր է թշնամու ԱԹՍ-ների շարքից դուրս բերումը, կարճ ասեմ։
Եթե հարձակվողական անօդաչուների խոցման նշանակությունը կոնկրետ օբյեկտներ վնասելու կանխումն է տվյալ անօդաչուից, ապա հետախուզական ԱԹՍ-ներ խոցելը նշանակում է կանխել հնարավոր հրթիռակոծումները, հրաձգություներն ու դիվերսիոն գործողությունները, կամ ամենաքիչը՝ թույլ չտալ թշնամին ինֆորմացվի մեր զորքերի տվյալ պահի տեղակայման, շարժերի և այլ գործողությունների մասին։
Մի երկու տեղ կարդացի, թե թշնամին ինֆորմացված է ու գիտի, թե որտեղ ինչ է կատարվում։ Ասեմ, որ էդպես չի. դա նույնն է, որ գիտես օվկիանոսում գիշատիչներ կան, բայց չգիտես, թե որտեղ են։ Թշնամու հնացող ինֆորմացիան հանգեցնում է ռեսուրսի և ժամանակի կորստի, մեր տղերքը զրկում են նրանց ինֆորմացիա գողանալու հնարավորությունից։ Ապրեն մեր որսորդները»: