ՄԱԿ-ում տարածվել է Արցախի ԱԳՆ զեկույցը՝ Գլխավոր ասամբլեայի «Անհայտ կորած անձինք» բանաձևի իրականացման վերաբերյալ
647 Չորեքշաբթի, 22 հուլիսի, 2020 թ., 20:35 Միավորված ազգերի կազմակերպությունում (ՄԱԿ) որպես պաշտոնական փաստաթուղթ տարածվել է Արցախի Հանրապետության արտաքին գործերի նախարարության պատրաստած զեկույցը՝ ՄԱԿ-ի Գլխավոր ասամբլեայի կողմից ընդունված 73/178 «Անհայտ կորած անձինք» («Missing Persons») բանաձևի իրականացման վերաբերյալ, որը հասանելի է այստեղ: Այս մասին հայտնում է Արցախի Հանրապետության Արտաքին գործերի նախարարությունը: Զեկույցը համապարփակ տեղեկատվություն է ներկայացնում տվյալ բանաձևի իրականացման, ինչպես նաև ադրբեջանա-ղարաբաղյան հակամարտության համատեքստում անհայտ կորած անձանց խնդրի հետ կապված իրավիճակի և հրատապ հարցերի վերաբերյալ։ Փաստաթղթում, մասնավորապես, նշվում է, որ ադրբեջանա-ղարաբաղյան հակամարտության համատեքստում անհայտ կորածների հարցը ծագել է 1991 թ. Արցախի Հանրապետության դեմ Ադրբեջանի կողմից սանձազերծված լայնածավալ պատերազմից շատ ավելի վաղ: Արդեն 1988-1989 թթ. Արցախում խորհրդային Ադրբեջանի իշխանությունների կողմից տեղի էին ունեցել ազգությամբ հայերի պատանդառության և առևանգման դեպքեր։ Սակայն հետագայում՝ պատերազմական գործողություններով պայմանավորված, պատանդների և անհայտ կորածների խնդիրն ավելի սուր բնույթ ստացավ։ Զեկույցում ընդգծվում է, որ ադրբեջանական կողմի ապակառուցողական քաղաքականության պատճառով հակամարտության հետևանքով անհայտ կորածների ճակատագիրը որոշակիացնելու գործում հնարավոր չեղավ նշանակալի արդյունքներ արձանագրել: Արցախի Հանրապետության համապատասխան մարմինների հետ կառուցողական համագործակցության փոխարեն ադրբեջանական կողմը շարունակում է քաղաքականացնել անհայտ կորածների խնդիրը, որը բացառապես մարդասիրական բնույթ է կրում։ Նման համագործակցությունից հրաժարվելը ևս մեկ ապացույց է Ադրբեջանի՝ միջազգային մարդասիրական իրավունքներով իր ստանձնած պարտավորությունների չկատարման մասին: Փաստաթղթում ՄԱԿ-ի Գլխավոր ասամբլեայի բանաձևի նպատակների արդյունավետ իրականացման համար պայմանների ստեղծման առումով նշվում է, որ հաշվի առնելով այն փաստը, որ անհայտ կորածների խնդիրը չի կարող կարգավորվել միակողմանի կարգով, նախ և առաջ՝ անհրաժեշտ է ապահովել այս հարցում հակամարտության բոլոր կողմերի գործուն ներգրավվածությունը, ինչպես նաև ներդնել համակարգված և արդյունավետ մեխանիզմ՝ առաջընթացի ապահովման հստակ վերահսկողական չափանիշներ սահմանելու համար։ |
«Ովքե՞ր նպաստեցին Հայաստանում թելեգրամյան ալիքներով թմրամիջոցների ապօրինի շրջանառությանը»․ Կ․ Պողոսյան
6614:18Wildberries-ի հիմնադիրը հայտնվել է «ամենաաղքատացած» միլիարդատերերի ցուցակում․ #Forbes
14714:00«Ոսկեպարի սահմանային փոփոխությունը լուրջ սպառնալիք է ստեղծելու»․ «Թաթոյան» հիմնադրամ
7813:36«Սուրեն Շահվերդյանը դիմել է ոստիկանություն․ իր հասցեին սպառնալիքներ են հնչեցնում»․ Գագիկ Շամշյան
8613:00«Առգրավումները շարունակական բնույթ են կրելու»․ քաղաքապետարանի աշխատակից (տեսանյութ)
6912:54«Ինչի՞, որ չտամ՝ ուժո՞վ եք տանելու»․ կանաչի վաճառող կինը՝ քաղաքապետարանի աշխատակցին (տեսանյութ)
9611:24Ստուգումներ Երևանում՝ փողոցային առևտուրը արգելելու նպատակով (տեսանյութ)
9910:48Ինչպես են այս տարի նշելու Քաղաքացու օրը. «Հրապարակ»
9208:48