ՔՈ-ն հայտարարություն է տարածել
![]() 316 Ուրբաթ, 07 օգոստոսի, 2020 թ., 14:20 «Քաղաքացու որոշում» սոցիալ-դեմոկրատական կուսակցությունը հայտարարություն է տարածել Ամուլսարում տեղի ունեցող իրադարձությունների վերաբերյալ. «Սույն թվականի օգոստոսի 4-ին «Լիդիան Արմենիա» ընկերության կողմից խախտվել է Ամուլսարի հարցում երկու տարի առաջ ձևավորված ստատուս քվոն՝ հեռացվել են հանրային տարածքում քաղաքացիների տեղադրած վագոն-տնակները և դրանց տեղում տեղադրվել են ընկերության տնակները։ Այս սադրանքը մեկ ամիս առաջ սկսած սադրիչ ռազմավարության մի հերթական քայլ է, որով նրանք փորձ են անում պահնորդական զինված խմբի միջոցով լուծել իրենց խնդիրները և քաղաքացիներին ներքաշել ապօրինությունների մեջ: Մասնավոր ռազմականացված կազմակերպությունը դարձել է Հայաստանի Հանրապետության և նրա քաղաքացիների դեմ ճնշման գործիք: Ստեղծված իրավիճակում քաղաքացիների պահանջներն են. 1. Ընկերությանը պատկանող վագոն տնակները պետք է հեռացվեն 2. Ապօրինություններ և սադրանքներ իրականացնող պահնորդական խումբը պետք է հեռացվի 3. Կառավարությունը պետք է հստակություն մտցնի վերջնական որոշման ժամկետների հարցում Նշված միջանկյալ քայլերն անհրաժեշտ են ընկերության կողմից այս օրերին ստեղծված լարվածությունը մեղմելու համար։ Քաղաքացիների հիմնական պահանջը մնում է անփոփոխ՝ Ամուլսարի տարածքում արգելել հանքի շահագործումը։ «Քաղաքացու որոշում» կուսակցությունը վերահաստատում է իր դիրքորոշումն Ամուլսարի հարցում և սատարում է քաղաքացիների ինչպես միջանկյալ, այնպես էլ վերջնական պահանջները: Նախ դատապարտելի ենք համարում, որ այս սադրանքն իրականացվել է համավարակի պայմաններում՝ հաշվարկ ունենալով, որ քաղաքացիները հնարավորություն չեն ունենա իրացնել իրենց իրավունքները։ Դատապարտելի է, որ կառավարությունն այս հակամարդկային հաշվարկի մեջ դարձել է մի սովորական գործիք և ստանձնել է արդար ու խաղաղ հավաքները ճնշելու գործառույթ։ Ի վերջո, դատապարտելի է քաղաքացիներին ավելի քան երկու տարի հյուծող խնդրի լուծումը հետաձգելու, քաղաքացիներին վերազգային կապիտալի դեմ միայնակ թողնելու, ողջամիտ փաստարկներն անտեսելու և հռչակված սկզբունքները խախտելու կառավարող ուժի գործելաոճը։ Կառավարությունը պարտավոր է քաղաքական կամք դրսևորել, հարցին տալ վերջնական լուծում՝ լուծման հիմքում դնելով հեղափոխական արժեքները, սկզբունքները և մարդու անքակտելի իրավունքները։ Սա է իրական հեղափոխական ուժի առաքելությունը և գործելաոճը»։ |
«Հարցեր կան, որոնք բարդ է լուծելը, դրանք դրսի հետ էլ են կապված, ներսի հետ էլ»․ Գևորգ Պապոյան (տեսանյութ)
28200:00«Հայաստանի տնտեսական ակտիվության աճը կտրուկ դանդաղել է»․ Վահե Դավթյան
231Երեկ, 22:54«7 կազմակերպության է թույլատրվել ՀՀ-ից ծաղիկներ արտահանել ՌԴ»․ Ռոսսելխոզնադզոր
489Երեկ, 16:26«Դժվար է լինելու զավթել ՀԷՑ-ը»․ «ՀայաՔվե»
213Երեկ, 14:30«Հիմա էլ հեղուկ գազի ներկրման խնդիր կա»․ Հակոբ Բադալյան
310Երեկ, 11:46ԱՄՆ-ն 50% մաքսատուրք է սահմանելու Բրազիլիայից ներմուծվող ապրանքների նկատմամբ
54110.07.2025, 19:04«Ծաղկի արտահանումը դարձել է անհնարին»․ Գևորգ Ստեփանյան (տեսանյութ)
30710.07.2025, 13:12Սլովակիան կրկին արգելափակել է Ռուսաստանի դեմ ԵՄ նոր պատժամիջոցները
76209.07.2025, 20:46