Միջազգային փորձագետները 4-17 տրիլիոն դոլար են գնահատել Ռուսաստանի անտառների արժեքը

1343

Երեքշաբթի, 11 օգոստոսի, 2020 թ., 21:20

Ռուսաստանին է պատկանում աշխարհի ամենահարուստ անտառային ռեսուրսները։ Աշխարհի անտառների ընդհանուր տարածքը կազմում է 4 միլիարդ հեկտար, որից ավելի քան 20%-ը՝ 815 միլիոն հեկտարը, գտնվում է Ռուսաստանում, գրում է РБК-ն՝ հղում անելով միջազգային փորձագետների զեկույցին։

Boston Consulting Group հետազոտական ընկերությունը աշխարհում անտառային ռեսուրսների արժեքը գնահատել է 50-150 տրլն դոլար, իսկ Ռուսաստանում անտառների արժեքը կազմում է 4-17 տրիլիոն դոլար: Ընկերության փորձագետների կարծիքով՝ անտառների հիմնական դերը կայանում է կլիմայի կարգավորման հարցը (CO2-ի կլանման և ածխածնի պահպանման ունակությունը)։
Անտառների արժեքը հաշվարկվում է EU Emissions Trading System-ի կողմից հաշվարկված գների հիման վրա։ Ներկա պահին այն կազմում է 27 դոլար՝ մեկ տոննա CO2-ի դիմաց: Գլոբալ տաքացումը կանխելու համար CO2-ի արժեքը պետք է լինի ավելի բարձր, քան 1 մեկ տոննայի դիմաց 135 դոլարը, այս դեպքում Ռուսաստանի անտառների արժեքն աճում է՝ հասնելով մինչև 17 տրիլիոն դոլարի։