Շաբաթ, 13 սեպտեմբերի, 2025 թ.
|
Ստեփանակերտում`   +14 °C

Telegram-ը պաշտոնապես ներկայացրել է իր նոր ծառայությունը

Telegram-ը պաշտոնապես ներկայացրել է իր նոր ծառայությունը
1821
Ուրբաթ, 14 օգոստոսի, 2020 թ., 22:45

Telegram-ը պաշտոնապես ներկայացրել է տեսազանգեր կատարելու գործիքը, այս մասին հայտնել է ծառայության մամլո քարտուղարությունը: Թարմացումները մեկնարկել են մեսենջերի 7-րդ տարեդարձի օրը:

«Այսօր մենք ուրախությամբ ներկայացնում ենք մեր նորարամուծությունը, որի մասին օգտատերերը բազմիցս էին խնդրում՝ արագ ու անվտանգ տեսազանգեր»,- ասվում է հաղորդագրության մեջ:

Առայժմ Telegram-ի տեսազանգերից կարող են օգտվել միայն Android հավելված ունեցողները, իսկ iOS-ի տերերի համար այն հասանելի կլինի, «երբ որ դրա հնարավորությունը լինի»:

Տեսազանգերը նաև պաշտպանված են վերջնական կոդավորմամբ: Համոզվելու համար, որ տեսազանգն անվտանգ է, պարզապես պետք է համեմատել այն 4 էմոջիները, որոնք տեսնում են իրենց էկրաններին զրուցակիցները: Եթե նշանները համընկնում են, ապա զանգը հուսալիորեն պաշտպանված է: