«Բնապահպանների 89%-ն անգրագետ է. Սևանն Ամուլսարի պատճառով է կանաչում». ձկնորսներ

Սևան-Երևան մայրուղին փակած ձկնորսներն անդրադարձան Սևանա լճի կանաչման խնդրին. Լրագրողի դիտարկմանը, թե բնապահպանների պնդմամբ, սիգի որսը բերում է Սևանի կանաչմանը, ձկնորսներից մեկն ասաց. «էդ ձեր ասած բնապահպանների 89 տոկոսն անգրագետ է: Անցած տարի, որ կանաչեց՝ դա Ամուլսարի գործոնն էր: Հազարավոր ծառեր լցվել են լճի մեջ, չեն թողնում, որ գյուղացին տանի դրանք վառելիք դարձնի, քամին էլ քշում-տանում է, այդ ծառերը նեխցնում է, ինչն էլ պատճառ է դառնում լճի ջրի կանաչման»,- մանրամասնեցին նրանք:

Ձկնորսների խոսքով՝ Նորատուսի ափամերձ հատվածը ճահճացել է, քանի որ մաքրման աշխատանքները նորմալ չեն արվել. «Փողը դրին իրենց ջեբը՝ գործ չարին. գնացեք Ազգային պարկի նախկին ղեկավարներին էդ հարցերը տվեք»,- ասացին նրանք՝ նշելով, որ այսօր նախքան ճանապարհը փակելը՝ հավաքել են իրենց ձկնորսական ցանցերն ու մինչև 200 հազար դրամով տուգանել իրենց: