Կորոնավիրուսի դեմ պատվաստանյութն աշխարհը չի վերադարձնի նախկին վիճակին. տնտեսագետ

Շատերն ակնկալում էին, որ ընդհանուր պատվաստումը կարող է վերադարձնել աշխարհն այն վիճակին, որը եղել է մինչև համաճարակը։ Սակայն տվյալները, որ մարդիկ կարող են կրկնակի վարակվել COVID-19-ով, կոտրել են այդ հույսը։
Տնտեսագետ Սերգեյ Խեստանովը հայտարարում է, որ կորոնավիրուսին հակազդելու գործում պատվաստումը կարող է այդքան էլ արդյունավետ չլինել: Եթե COVID-19-ով հնարավոր է բազմաթիվ անգամներ վարակվել, ապա շատ քաղաքացիներ, ինչպես նաև քաղաքական գործիչներ և գործարարներ, ստիպված կլինեն վերանայել երկարաժամկետ ծրագրերը։
Եթե պատվաստանյութը գործի ընդամենը 3-4 ամիս, ապա դա լուրջ խնդիրներ կստեղծի ոչ միայն մարդկանց, այլև ամբողջ երկրների համար: Նույնիսկ նման ծավալի դեղամիջոցի տեղափոխումը դժվար կլինի։ Պետք է ինչ-որ կերպ հարմարվել նոր կենսակերպին, ընդ որում՝ առանց տեղաշարժի խիստ սահմանափակումների, քանի որ դա կործանարար է տնտեսության համար։ Այնուամենայնիվ, Խեստանովը հայտնում է, որ կրկնակի վարակման մասին տվյալները դեռևս շատ քիչ են վիճակագրական հաստատուն եզրակացությունների համար:
Սենատոր Գենադի Օնիշչենկոն կարծում է, որ աստիճանաբար տեղի կունենա բնակչության բնական իմունիզացիան, որը թույլ կտա ավելի հեշտ տանել COVID-19-ը: Իսկ կորոնավիրուսը պարբերաբար կվերադառնա որպես սեզոնային գրիպ, բայց ոչ՝ համաճարակի կարգավիճակով։