Երեքշաբթի, 29 սեպտեմբերի, 2020 թ.
|
Ստեփանակերտում`   +15 °C

Ճանապարհի վճար կսահմանվի հաշվառված և չհաշվառված միջպետական բեռնափոխադրողների համար

Ճանապարհի վճար կսահմանվի հաշվառված և չհաշվառված միջպետական բեռնափոխադրողների համար
65
Ուրբաթ, 04 սեպտեմբերի, 2020 թ., 17:00

«Հայաստանի Հանրապետությունում գրանցված և չգրանցված միջպետական բեռնափոխադրումներ իրականացնող անհատ ձեռներեցների, ինչպես նաև ընկերությունների համար նախատեսվում է սահմանել հավասար պայմաններով ճանապարհային վճար»,-այս մասին այսօր մամուլի ասուլիսի ժամանակ հայտարարել է ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը:

Վճարի չափը կազմելու է 50 դրամ՝ 1 կիլոմետրի դիմաց: Արմեն Սիմոնյանն ասել է, որ օրենքը չի կիրառվելու բոլոր մեքենաների դեպքում:

«2017 թվականի նոյեմբեր ամսին Հայաստանի Հանրապետությունը Եվրոպայի հետ կնքել է ՀՀ-ԵՄ համապարփակ և ընդլայնված գործընկերության համաձայնագիրը, որի կետերից մեկը վերաբերում է ճանապարհային հարկերին ու վճարներին»,-ասել է Արմեն Սիմոնյանը նշելով, որ Հայաստանն ունեցել է որոշակի ընտրություն, թե ինչ է սահմանելու՝ ճանապարհային վճա՞ր, թե՞ հարկ: Քննարկումների արդյունքում որոշում է կայացվել սահմանել ճանապարհային վճար:

Սիմոնյանն ընդգծել է, որ նախագիծը վերաբերում է բեռներ տեղափոխողներին:

«Այժմ դասակարգման հարցը քննարկվում է նաև ըստ սռնիների, քանի որ կան բեռնատարներ, որոնք աշխատում են 3, 4 կամ 6 սռնիով»,- ասել է Սիմոնյանը: Նախարարության կողմից առաջարկվող նախագծի ընդունման դեպքում օրենքն ուժի մեջ կմտնի 2021 թվականից: