«Սիրելի կառավարություն, խնդրում եմ մի քիչ փող ուզել պարոն Ջանջուղազյանից». Լևոն Բարսեղյան

Շաբաթ, 05 սեպտեմբերի, 2020 թ., 14:20

«Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը ֆեյսբուքյան իր էջում գրել է. «Սիրելի կառավարություն,

Խնդրում եմ մի քիչ փող ուզել պարոն Ջանջուղազյանից, Փամբակի թունելը (8կմ-ից մի քիչ ավելի) նորոգել, ավարտին հասցնել և գործարկել Երևան-Իջևան երկաթուղին: Գործի մեծ մասն արած է վաղուց, ափսոս է համ էլ: Հա, մեկ էլ երկաթուղին շահագործող ընկերությանը կարգի հրավիրեք:

Դրա շնորհիվ մարդիկ գնացքով կգնան չքնաղ Ֆիոլետովո, Դիլիջան, Իջևան, նույնիսկ մինչև Ազատամուտ ու Կայան: Թե ուղևորափոխադրումից բացի ինչի կծառայի էդ երթուղին, չպատմեմ, ինձնից լավ գիտեք:

Էս մեկն արեք, հետո էլի թունելի գործ կա:

Ձեր՝ Կինո Երևանի մայլի երկաթուղային զորքերի կամրջաշինական դասակի հրամանատարի տեղակալ, պահեստի սերժանտ»: