Արքայազն Հարին ստիպված է եղել վերադարձնել քոթեջի վերանորոգման վրա ծախսած գումարները

Արքայազն Հարրին և Մեգան Մարքլն հարկադրաբար անգլիացի հարկատուներին են վերադարձրել 2,4 մլն ֆունտ սթերլինգ, որոնք ծախսել են իրենց բնակավայրի վերանորոգման համար:
Daily Mail-ի հաղորդմամբ՝ արքայազն Հարրին ամբողջությամբ մարել է Ֆրոգմոր քոթեջի վերանորոգման պարտքը, որը ֆինանսավորվել է Մեծ Բրիտանիայի գանձարանից ստացված գումարով: Այն բանից հետո, երբ զույգը հայտարարել է թագավորական պարտականությունների չեղարկման մասին, բրիտանացի հպատակները պահանջել են վերադարձնել ծախսված բոլոր միջոցները: Ակտիվիստները կատարվածն անվանել են «դժվար հաղթանակ», քանի որ նախկինում արքայազն Հարին և կինը պատրաստվում էին մարել պարտքը աստիճանաբար՝ ամսական 18 հզր․ ֆունտ սթերլինգ վճարելով:
Պարտքը տալ հաջողվել է պրոդյուսերական ընկերության ստեղծումից հետո, որը Netflix-ի հետ 150 մլն դոլարի գործարք է կնքել։ Թագավորական զույգը նկարահանելու է սերիալներ, գեղարվեստական և վավերագրական ֆիլմեր, այդ թվում՝ արքայադուստր Դիանայի մասին: