2 հոգի վթարի զոհ է դարձել, բժիշկները պայքարում են 11-ամյա աղջկա կյանքի համար

5340

Կիրակի, 27 սեպտեմբերի, 2020 թ., 22:50

Սյունիքի մարզում՝ Անգեղակոթ գյուղի վարչական տարածքում, «Toyota Land Cruiser»-ը, դեպի Երևան ընթանալիս, դեռևս անհայտ հանգամանքներում դուրս է եկել ճանապարհի երթևեկելի գոտուց և շրջվել։

Դեպքը տեղի է ունեցել այսօր՝ ժամը 18:20-ի սահմանում։ Վթարի հետևանքով 2 հոգի տեղում մահացել են, իսկ ավտոմեքենայում գտնվող 11-ամյա աղջիկը մարմնական վնասվածքներով տեղափոխվել է Սիսիանի բժշկական կենտրոն, տեղեկացնում է ֆոտոլրագրող Գագիկ Շամշյանը:

Ոստիկանությունն ու քննչական բաժինը պարզում են վարորդի, մահացածների և վիրավորների ինքնությունը:

Դեպքի վայրում հավաքվածները կայքի թղթակցին հայտնել են, որ մահացածները կին և տղամարդ են եղել: Նշված ավտոմեքենան հաշվառված է Երևան քաղաքի Արաբկիր վարչական շրջանի բնակիչ, 47-ամյա Սամվել Հովսեփյանի անունով:

Ոստիկանությունն ու քննչական բաժինը պարզում են նաև այդ տեղեկությունը: