Հինգշաբթի, 28 մարտի, 2024 թ.
|
Ստեփանակերտում`   +13 °C

«Ինչո՞ւ է ՄԻԵԴ-ի որոշումը հաղթանակ մեզ համար». Արսեն Խառատյան

«Ինչո՞ւ է ՄԻԵԴ-ի որոշումը հաղթանակ մեզ համար». Արսեն Խառատյան
394
Չորեքշաբթի, 30 սեպտեմբերի, 2020 թ., 01:45

ՀՀ վարչապետի նախկին խորհրդական Արսեն Խառատյանը ֆեյսբուքյան իր էջում գրել է․ «Ի՞նչ է նշանակում Հայաստանի դիմումով ՄԻԵԴ-ի որոշումը և ինչո՞ւ է սա հաղթանակ մեզ համար
Մարդու իրավունքերի եվրոպական դատարանը սեպտեմբերի 29-ին որոշում է կայացրել բավարարել Հայաստանի խնդրանքը՝ կիրառելով միջանկյալ միջոց: ՄԻԵԴ-ը մասնավորապես կոչ է արել կողմերին (Հայաստան, Ադրբեջան) ձեռնպահ մնալ այնպիսի միջոցների գործադրումից, որոնք կարող են առաջացնել քաղաքացիական բնակչության իրավունքների՝ Կոնվենցիայով նախատեսված խախտումներ:
Թարգմանեմ. սա նշանակում է, որ առաջիկայում Հայաստանը և Ադրբեջանը պետք է տեղեկատվություն ներկայացնեն Դատարանին նշված խախտումների կանխման ուղղությամբ ձեռնարկված միջոցների մասին: Այս իմաստով, Հայաստանի ունեցած փաստական նյութերը հսկայածավալ են և ավելանում են ամեն ժամ:
Որոշումը կայացվել է Հայաստանի դիմումի հիման վրա, երբ Դատարանը հարկ չի համարել մյուս կողմին՝ Ադրբեջանին հարցեր ուղղել: Այսինքն, մեր կողմից ներկայացված փաստերն այնքան համոզիչ են եղել, որ պաշտոնական Բաքվից լրացուցիչ պարզաբանումներ ստանալու անհրաժեշտություն չի եղել:
Ի դեպ, սա Դատարանի պատմության մեջ 3-րդ նման դեպքն է (նախորդ երկուսը վերաբերում են Ուկրաինային), երբ Մարդու իրավունքների եվրոպական դատարանը միջանկյալ որոշում է կայացնում՝ ըստ էության պատերազմական հանցագործություններ կանխելու վերաբերյալ»: