«Ադրբեջան անունով պետությունն, արդեն, վստահ կարելի է ասել՝ քաղաքական բուտաֆորիա է». Սարո Սարոյան

Քաղաքական վերլուծաբան Սարո Սարոյանը ֆեյսբուքյան իր էջում գրել է. «Կարող եմ վստահ արձանագրել, որ Ադրբեջանում Գյանջա անունով քաղաք այլևս չկա, քանզի քաղաքը մեր հարվածներից հետո արագ դատարկվում է այս ժամերին: Միայն Նարիման Նարիմանովի պողոտայի ամբողջ երկայնքով մինչև Սուլեյման Ռահիմովի փողոց ընկած հսկա տարածքը ուժեղ ռմբահարման է ենթարկվել ըստ warmap մասնագիտացված կայքի գծանշման: Գյանջայում ևս մեկ մեծ հարվածի օջախ կա դեպի ալյումինի գործարան ընկած հատվածում: Նաև Գյանջայում այլևս չկա օդանավակայան, այն հողին է հավասարեցվել րոպեներ առաջ: Երեկ արդեն մեր բանակը հողին էր հավասարեցրել Շամխորի և Մինգեչաուրի ջրամբարից հարավ ընկած ռազմական օդանավակայանները, դրանք այլևս անպիտան են օգտագործման համար: Բացի այդ, ևս մի քանի ռազմաբազաներ են ոչնչացվել հեռահար ռմբահարման հետևանքով Եվլախից արևմուտք ընկած հատվածում: Դրանցից մեկը երեկ մեր ՊՆ պաշտոնապես հաղորդած տեսաերիզում երևում է սնկի պես բարձրացող հեկտարներ վերցնող պայթյունի տեսքով: Այս ամենը տեղեկացնում եմ ըստ բաց աղբյուրների: Սրա ռազմաքաղաքական հետևանքների մասին կգրեմ մի քիչ ուշ: Ամեն դեպքում Ադրբեջան անունով պետությունն արդեն վստահ կարելի է ասել, որ քաղաքական բուտաֆորիա է: Թե ինչ պետք է անեն դրա հետ Թուրքիան, Ռուսաստանը և Իրանը, կախված է մեզանից»: