Վրաստանը խոչընդոտում է վառելիքի ներկրմանը Հայաստան. «Հրապարակ»

«Հրապարակ» թերթը գրում է. «Պատերազմական այս օրերին մեր հարևան և բարեկամ Վրաստանը շատ տարօրինակ վարքագիծ է դրսևորում Հայաստանի ու Արցախում ընթացող պատերազմի նկատմամբ։ Նա, մի կողմից, հայտարարում է, որ արգելել է Վրաստանի տարածքով ինչպես Ադրբեջան, այնպես էլ Հայաստան մատակարարվող ռազմական բեռների փոխադրումը, մյուս կողմից տեսնում ենք, թե ինչպես են իսրայելական օդանավերը Վրաստանով թռչում Ադրբեջան՝ ենթադրաբար, ռազմամթերք հասցնելով մեր հակառակորդին։
Սա քիչ է, Վրաստանը նաև խոչընդոտներ է հարուցում Հայաստան ներկրվող կարևոր նշանակության բեռների հարցում։ Մենք տեղեկացանք, որ մի քանի օր է՝ վրացական նավահանգիստներից թույլ չեն տալիս վառելիքով բեռնված ցիստեռնների փոխադրումը Հայաստան։ Ուղիղ կերպով չեն արգելում, բայց այնպես են անում, որ հայկական կողմը մեզ համար այս օրերին կենսական նշանակության այդ բեռները Հայաստան տեղափոխելու հարցում դժվարություններ կրի, մասնավորապես, վառելիք ներկրող հայկական ընկերությունները, ինչպես տեղեկացանք, այսօր մոտ 50 ցիստեռն բենզին ունեն Փոթիում կանգնած, որոնց՝ գնացքի վագոններ բարձելու և դրանք երկաթգծով Հայաստան փոխադրելու հարցում վրացական կողմն արհեստական խոչընդոտներ է հարուցում, ինչը չէր եղել նախկինում»։

Մանրամասները՝ թերթի այսօրվա համարում։