«Իշխանական պատգամավորները չեն գալիս, որ նիստ գումարվի». Մարուքյան

«ԱԺ արտահերթ նիստ հրավիրելու համար բավարար ստորագրություններ ունենք, բայց նիստը կարող ենք հրավիրել, եթե ԱԺ խորհրդի նիստը կայանա»,- ֆեյսբուքյան տեսաուղերձի ժամանակ ասել է ԼՀԿ խմբակցության ղեկավար Էդմոն Մարուքյանը:

«Տիկին Լենա Նազարյանը ժամանեց խորհրդարան, խոսեցինք: Ես ասացի, որ պետք է պրոցեսները բերել քաղաքական ուղիներով, դրա համար խնդրեցի, որ անպայման կապվի խորհրդի անդամների հետ, որ կարողանանք խորհրդի նիստը գումարել: 20.15-ին խորհրդի նիստը գումարվեց, և 7 մարդ էինք, քվորում չկար: ԱԺ կանոնակարգ օրենքի համաձայն քվորումը բաց է դեռ երկու ժամ: Այսինքն՝ ԱԺ խորհրդի նիստ հնարավոր է գումարել և մեզ պետք է ևս 3 խորհրդի անդամ, որ ներկայանան, և մենք կարողանանք նիստն իրականացնել և նշանակել ԱԺ արտահերթ նիստ»,- ասել է նա:

Մարուքյանը նշեց, որ իշխող մեծամասնության 88 պատգամավորի միայն մեկ մարդ է եկել. «Չեն գալիս, որ նիստ գումարվի»,- նշել է պատգամավորը:

Մանրամասները՝ տեսանյութում: