«Իրական օգտատերեր ինձ և իմ ընտանիքին հնչեցրել են մահվան սպառնալիքներ». Նաիրա Զոհրաբյան

«Միջազգային բոլոր իրավապաշտպան կառույցները տեղեկացված են, թե քաղաքական ինչ հետապնդումներ են իրականացվում ժողովրդական արժեքներով այս Հայաստանում»,- ԱԱԾ շենքի առջև հայտարարեց ԲՀԿ պատգամավոր Նաիրա Զոհրաբյանը։

Նա նշեց, որ հարյուրավոր համակիրներ բերման են եթարկվում, փորձ է արվում տապալել ընդդիմության հանրահավաքները։ «Սրանք բացարձակ ապօրինի որոշումներ են եղել, նրանք քաղաքական բանտարկյալներ են»,-ասաց Զոհրաբյանը՝ դիմելով գլխավոր դատախազին․ «Իրական օգտատերեր, ոչ ֆեյքեր, ինձ և իմ ընտանիքին հնչեցրել են մահվան սպառնալիքներ։ Հույս ունեմ հետամուտ կլինեք, որ այդ տականքները կրեն քրեական պատասխանավություն»։

Այս պահին ընդդիմադիրների երթը շարժվում է դեպի Հանրապետության Հրապարակ։