«Դուք տեղյա՞կ էիք եռակողմ հայտարարության բովանդակությանը»․ լրագրողը՝ Անդրանիկ Քոչարյանին

Այսօր լրագրողների հետ ճեպազրույցում Ազգային ժողովի Պաշտպանության և անվտանգության հարցերի հանձնաժողովի նախագահ Անդրանիկ Քոչարյանն ի պատասխան հարցին, թե տեղյակ եղե՞լ է եռակողմ հայտարարության բովանդակությանը, ասաց․ «Տրամաբանությունը կարող էի պատկերացնել, բայց տեքստի բովանդակության տեղյակ չեմ եղել, և կարծում եմ, որ տեղյակ չեն եղել շատերը, ինչպես տեղեկացրեց վարչապետը։

Հարցին, թե ինչո՞ւ որպես թիմակից տեղյակ չի եղել, Քոչարյանը պատասխանեց․ «Բնականաբար, ինչուներն անպայման կպարզաբանվեն, բայց վարչապետն ասաց՝ ինչու է այդպես եղել»։

Անդրանիկ Քոչարյանի խոսքով՝ այնպես պետք է անել, որ պաշտպանության բանակը և զինված ուժերն իրենց մենակ չզգան։ «Դրանք խիստ հաղորդակից համակարգեր են»,- հավելեց նա։