«Դուք պետք է նախաձեռնեք հրաժարականները և արտահերթ ընտրությունները»․ Արման Բաբաջանյան

«Պետք է խոստովանեք, որ Դուք և Ձեր թիմը ձախողել եք»,- այսօր խորհրդարանում դիմելով ՀՀ վարչապետին՝ ասաց անկախ պատգամավոր Արման Բաբաջանյանը՝ հավելելով, որ Փաշինյանը պետք է նախաձեռնի արտահերթ խորհրդարանական ընտրություններ և հորդորի ՀՀ ԱԳ նախարարին և ԱԽ քարտուղարին հրաժարական տալ:

Նիկոլ Փաշինյանն ի պատասխան ասաց, որ յուարքանչյուր գերատեսչության գործողություններն այս ժամանակահատվածում վերլուծվում են և կարվեն համապատասպան վերլուծություններ:

«Բացառված է, որ ես կոնկրետ մի էնպիսի քայլ անեմ, որի արդյունքում կվտանգվի ազատ, օրինական, արդար թափանցիկ ձևով իշխանություն ձևավորելու ժողովրդի հնարավորությունը և իրավունքը: Ես ուզում եմ, որ մենք արձանագրենք՝ ես էդպիսի քայլ երբեք չեմ անի»,- հայտարարեց Փաշինյանը: