Չորեքշաբթի, 31 դեկտեմբերի, 2025 թ.
|
Ստեփանակերտում`   +5 °C

«Կեղծարարների խամաճիկներն առաջարկում են վարչապետին փոխարինել իրենց թեկնածուով». Վահագն Ալեքսանյան

«Կեղծարարների խամաճիկներն առաջարկում են վարչապետին փոխարինել իրենց թեկնածուով». Վահագն Ալեքսանյան
412
Հինգշաբթի, 03 դեկտեմբերի, 2020 թ., 17:40

ՔՊ կուսակցության հասարակայնության հետ կապերի համակարգող Վահագն Ալեքսանյանը ֆեյսբուքյան իր էջում գրել է. «Տարիներով ընտրություն կեղծածներն ու կեղծարարների խամաճիկները առաջարկում են երբեք ոչ մի ընտրություն չկեղծած վարչապետին փոխարինել իրենց թեկնածուով, որպեսզի անցկացվեն «արդար և թափանցիկ ընտրություններ»։

Առաջարկող ուժերից մեկի ղեկավարն անցնում է ընտրակաշառքի հետ կապված քրեական գործով, մյուս ուժը տարիներ շարունակ մաս է կազմել Հայաստանի պատմության ամենանողկալի ընտրակեղծարարությամբ ձևավորված իշխանական կոալիցիաներին, մեկն առանց ավանդական 10 000 դրամների կորցրեց մեկ տարի առաջ «ստացած» ձայների 90 տոկոսից ավելին, ու էսպես շարունակ։

Այս մարդիկ իրոք հավատացած են, որ այս երկրում մարդիկ մտածելու, տրամաբանելու ունակություն չունեն։ Այլ բացատրություն այս տրագիկոմեդիան չունի։
ՀՀԿ-ի, ԲՀԿ-ի ու ՀՅԴ-ի առաջարկած թեկնածուն՝ ազատ ընտրությունների երաշխավոր»: