Գերմանիայում «գորշ գայլերը» մահով են սպառնում հայերին
383 Հինգշաբթի, 03 դեկտեմբերի, 2020 թ., 21:15 Վերջին ժամանակաշրջանում թուրքական ծայրահեղական «Գորշ գայլեր» ահաբեկչական խմբավորման անդամները անվտանգության սպառնալիք են դարձել Եվրոպայի համար։ Գրում է Ermenihaber-ը՝ հղում անելով քրդական «ANF News» լրատվական կայքը։ Դեռևս նոյեմբերի 4-ին Ֆրանսիայի կառավարությունը պաշտոնապես որոշեց երկրի տարածքում արգելել թուրք ազգայնականներին միավորող «Գորշ գայլեր» կազմակերպության գործունեությունը։ Դրա պատճառը հոկտեմբերի 29-ին Ֆրանսիայի Դիժոն քաղաքում «Գորշ գայլերի» կազմակերպած քայլերթն էր, որի ընթացքում հայերի դեմ բռնության և ատելության կոչեր էին հնչեցվել։ Չնայած եվրոպական երկրներում ձեռնարկված այդ միջոցներին, թուրք ծայրահեղականները վերջին օրերին, մասնավորապես, Գերմանիայում բնակվող հայերին սպառնալիք պարունակող բազմաթիվ նամակներ են ուղարկում։ Գերմանական «Die Welt» թերթի հաղորդմամբ՝ ամենից շատ հայերին ուղղված սպառնալիքներ են հնչեցվել Գերմանիայի Հանաու, Օսնաբրյուկ և Համբուրգ քաղաքներում։ Թերթը նաև նշում է, որ նույնաբովանդակ նամակների զգալի աճ է նկատվել արցախյան երկրորդ պատերազմից հետո։ Այս միջադեպերի կապակցությամբ Գերմանահայոց առաջնորդ Սերովբե եպիսկոպոս Իսախանյանը նամակով դիմել է Գերմանիայի Հյուսիսային Ռեյն-Վեստֆալիա դաշնային նահանգի ներքին հարցերով պատասխանատու Հերբերտ Ռոյլին՝ ներկայացնելով այդ երկրում ապրող հայերի մտահոգությունները։ Եպիսկոպոս Իսախանյանը նամակում ուշադրություն է հրավիրել թուրք ծայրահեղականների մեկնարկած արշավներին։ Քրդական լրատվական կայքը նաև նշել է, որ տարիներով Եվրոպան աչք փակելով թուրք ազգայնականների գործողություններին, վերջապես վերջին մեկ ամսվա ընթացքում քայլեր է ձեռնարկում այս խմբերի գործունեությունն արգելելու համար։ |
Սերժ Սարգսյանը Ծիծեռնակաբերդ է եկել թոռնիկի հետ (լուսանկար)
2618:18Ոստիկանները բերման են ենթարկում «Մերժիր գժին» շարժման անդամներին (տեսանյութ)
4918:06«Բազմահազարանոց ջահերով երթով հիացողներին հիշեցնեմ Ոսկեպարի սակավաթիվ պայքարողների քանակը». Վ. Մնացականյան
5617:48«Ամբողջ պայքարը ստի ու ճշմարտության միջև է». Բագրատ Սրբազան (տեսանյութ)
7217:18«Ես ինչ իմանամ՝ ինչ է ուզում էդ մարդը». Տիգրան Մանսուրյան
8215:48Վարդան Ղուկասյանի աջակիցներն այցելեցին Ծիծեռնակաբերդ (տեսանյութ)
10015:18«Զինվորի տան» տղաներն այցելել են Ծիծեռնակաբերդ (լուսանկար)
9015:06«Վարչապետի տիկնոջն ու դստերը թիրախավորելը սրիկայություն է». Տարոն Չախոյան
13015:00