«Երկրորդական հարց է, թե ով կգա իշխանության»․ Էդուարդ Շարմազանով

«Հողատու Նիկոլ Փաշինյանը վախերի մեջ է և փորձում է ձերբակալություններով, կալանավորումներով, իրավական տեռոր իրականացնելով հասարակության առողջ հատվածին, այդ թվում՝ ընդդիմադիրներին հետ պահել վճռական գործողություններից»,- ՀՀԿ-ական նախկին պատգամավոր Վահրամ Բաղդասարյանի գործով ընթացող վերաքննիչ բողոքի քննությանը զուգահեռ լրագրողների հետ զրույցում ասաց ՀՀԿ խոսնակ Էդուարդ Շարմազանովը։

Նրա խոսքով՝ իրենք պատրաստ են «ցանկացած ռեպրեսիաների և հետ չեն կանգնի պայքարից»։

Շարմազանովը նշեց, որ երկրորդական հարց է, թե ով կգա իշխանության, առաջնահերթ՝ Նիկոլ Փաշինյանը պետք է հեռանա․ «Բացի Նիկոլից, սորոսականներից և տեռորիստներից ով էլ գա, ավելի լավ կկառավարի, որովհետև սրանից վատ կառավարել ուղղակի հնարավոր չէ»,- ասաց Շարմազանովը։