«Պետական մտածողություն ունեցողը երկիրը մի կողմ է դնում տարաձայնությունները». Կ․ Հարությունյան

Լրագրող Կարինե Հարությունյանը ֆեյսբուքյան իր էջում գրել է. «Երեկ մտածում էի պատերազմի, բանակի հրամանատարության, նրանց կարողությունների մասին, մտքովս Միքայել Հարությունյանն անցավ, որ եթե այստեղ լիներ, կկարողանա՞ր օգտակար լինել: Հենց նոր կարդացի, որ դեռ հոկտեմբերին նա զանգել է Տոնոյանին և իր օգնությունն առաջարկել՝ գալ Արցախ, օգնել ինչով կարող է: Պարոն Մաչոն ասել է՝ պետք չի, հաղթելու ենք:
Հարությունյանն ասում է՝ գիտեմ, որ ռուսական զենքեր են եղել, որոնց շահագործման ձևը չեն իմացել ու դրանք չեն օգտագործվել: Ես սա դնում եմ այն փաստի կողքին, որ առաջին և երկրորդ նախագահները պետք է մեկնեին Մոսկվա, բայց վարչապետի աթոռին նստած թուլամիտ պարոնը կոնկրետ՝ առաջին նախագահին մանդատ չի տվել: Նիկոլին թվում էր, թե հաղթելու դեպքում դափնիները ուրիշին էին բաժին հասնելու ու այդ մտքից երևի խելագարվում էր:
Պետական մտածողություն ունեցողը երկիրը վեր է դասում սեփական անձից, մի կողմ է դնում տարաձայնությունները այն մարդկանց հետո, որոնք իրենից ավելի լավ են հասկանում և ավելի փորձառու են: Այս մարդը պետական մտածողություն չունի, նա պետական գործիչ այդպես էլ չդարձավ, իսկ հիմա առավել ևս ուշ է, նա իր հնարավորությունը բաց է թողել:
Հ.Գ. Բացարձակ չեմ ընդունում այն պատճառաբանությունները, թե Միքայել Հարությունյանին մեղադրանք էր առաջադրված: Եթե այդքան անաչառ էին ու արդարամիտ, թող նախ գլխավոր մեղադրյալի պոչից պինդ բռնեին»: