«Ճիշտ կլինի, որ իշխանությունը քննություն հանձնի». Լևոն Բարսեղյան

«Հասունացել է արտահերթ խորհրդարանական ընտրությունների ժամանակը․ պահը չէ, բայց ժամանակը հասունացել է։ Շատ կուզեմ, որ կես տարուց կամ մի քանի ամսից արտահերթ խորհրդարանական ընտրություններ լինեն, և մարդիկ նորից իրենց կամքով ձևավորեն խորհրդարան՝ ինչպես որ կստացվի»,- «Ֆակտոր»-ի եթերում ասել է Գյումրիի լրագրողների «Ասպարեզ» ակումբի խորհրդի նախագահ Լևոն Բարսեղյանը:

Նրա խոսքով՝ պետությունը շատ ծանր հարված է ստացել և նման ձախողումներից, պարտություններից հետո ճիշտ կլինի, որ իշխանությունը քննություն հանձնի. «Կհանձնի՞, ուրեմն կմնա, չի հանձնի՝ նորերը կլինեն իշխանություն, և սա շատ արդար բան է։ Սա պետք է հասկանա նախ և առաջ իշխանությունը։ Այն մոդելը, որ առաջարկում է փողոցում ցույցեր անող ընդդիմությունը՝ վարչապետի հրաժարական, հետո՝ կտեսնենք, այդ մոդելը չի լուծում այս հարցը, որովհետև իշխանությունը միայն Նիկոլ Փաշինյանը չէ։ Խորհրդարանական մեծամասնությունը պետք է հասկանա, ընկալի տեղի ունեցածը և պատրաստ լինի քննության»,- ասել է Բարսեղյանը:

Մանրամասները՝ տեսանյութում: