Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Ինչո՞ւ են Խորհրդային Ադրբեջանի քարտեզի հիման վրա հակահայկական որոշումներ կայացվում»․ Արփինե Հովհաննիսյան

«Ինչո՞ւ են Խորհրդային Ադրբեջանի քարտեզի հիման վրա հակահայկական որոշումներ կայացվում»․ Արփինե Հովհաննիսյան
286
Երեքշաբթի, 22 դեկտեմբերի, 2020 թ., 12:25

ՀՀ Արդարադատության նախկին նախարար Արփինե Հովհաննիսյանն այսօր Հանրապետության հրապարակում սպասվող հանրահավաքին ընդառաջ՝ լրագրողների հետ զրույցում հայտարարեց, որ 2010-ին ընդունված «Վարչատարածքային բաժանման մասին» օրենքի՝ Նիկոլ Փաշինյանի կողմից մեջբերումը «բացարձակ կապ չունի Սյունիքում տեղի ունեցող սահմանազատումների հետ»։

«Փաշինյանը մեր տարածքները հանձնում է՝ հիմք ընդունելով Խորհրդային Ադրբեջանի քարտեզը։ Այնինչ այս Ադրբեջանը՝ Ալիևի Ադրբեջանը Խորհրդային Ադրբեջանի իրավահաջորդը չէ։ Իրենք իրենց սահմանադրությամբ, հռչակագրով իրենց հռչակել են Մուսավաթական Ադրբեջանի իրավահաջորդը, ոչ թե՝ Խորհրդային Ադրբեջանի։ Այսինքն՝ այս ամենն իրավաբանորեն կապ չունի այս Ադրբեջանի հետ։ Հիմա ինձ կբացատրե՞ք՝ հասկանամ, ինչո՞ւ են Խորհրդային Ադրբեջանի քարտեզի հիման վրա հակահայկական որոշումներ կայացվում»,- ասաց Հովհաննիսյանը։