Ցուցարարները փակել են Մյասնիկյան պողոտան

ՀՀ վարչապետ Նիկոլ Փաշինյանի հրաժարականը պահանջող մի խումբ քաղաքացիներ այս պահին փակել են Մյասնիկյան պողոտան: Ցուցարարների շարքերում կան Արթուր Վանեցյանի գլխավորած «Հայրենիք» կուսակցության ներկայացուցիչներ:

Տեղում իրավիճակը հսկում են ոստիկանները, նրանք ժամանակ են տվել ցուցարարներին, որպեսզի ճանապարհը բացեն:

Ցուցարարները վանկարկում են «Նիկո՛լ, դավաճան» և «Առանց Նիկոլի Հայաստան» կարգախոսները: Նրանք հայտարարում են, որ նմանատիպ ակցիաները կլինեն այնքան ժամանակ, քանի դեռ Փաշինյանը հրաժարական չի ներկայացրել: