«Նառային պիտի մի բան խնդրեմ. սրանց մի քիչ գիրք տուր՝ կարդան». Հռիփսիմե Առաքելյան

Երևանի ավագանու ԲՀԿ խմբակցության անդամ Հռիփսիմե Առաքելյանը ֆեյսբուքյան իր էջում գրել է. «Մամուլում աչքովս ընկավ տեղեկություն, որ «Իմ քայլը» խմբակցությունը Նաիրա Զոհրաբյանին ցանկանում է հեռացնել Ազգային ժողովի Մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնից: Խմբակցությունը հարցի վերաբերյալ նախագիծ է դրել շրջանառության մեջ։ Դավաճանական խմբակն ասում է, որ «Զոհրաբյանի կողմից արվում են Սահմանադրությամբ ամրագրված մարդու՝ որպես բարձրագույն արժեք, անօտարելի արժանապատվությունը ոտնահարող, նվաստացնող և վիրավորանք պարունակող հայտարարություններ...»: Ի՞նչ են ասում, է...:

Կարդացի՞ք, դե հիմա շունչ քաշեք, այո-այո, չեք սխալվում, այ սենց բան են որոշել։ Ու սրանք մարդու իրավունքից դեռ լեզուները պտտվում է, որ խոսեն։ Էս հանցագործ թայֆեն մի փշուր մնացած մարդու արժանապատվությունն է ծաղրում ու դրել է շրջանառության մեջ։ Նրանք հպարտորեն պնդում են՝ Զոհրաբյանը վիրավորանք է հասցրել ու եթերներից մեկում օգտագործել է «ժեխ» (հմնշ. չռփի, քոլ ու քոս, անմաքուր) բառը։ Ես հասկացա, սա անձնական վիրավորանք են ընդունել քայլոները, չէ՞ որ իրենց հայելային արտացոլումն են տեսել այն իսանների մեջ, որոնք հողատուի ֆեյքերն են ու մեր երեխեքի արյան վրա տոնածառի հանդես էին կազմակերպել իրենց պլպլան կամուֆլյաժներով, որոնք կռվել էին Ջեբրայիլում, զոհվել՝ Թալիշում ու թափով հասել Հանրապետության հրապարակ՝ Նիկոլ գովերգելու համար։ Ես անհամբեր սպասում եմ, որ դուք այդպիսի փութաջանությամբ կքննարկեք ԱԺ փոխնախագահ Լենայի նախընտրած քֆուրների պերեդոզի վիդեոները, որն այս տիկինը անձամբ էր տարածում ֆեյսբուքում: Ես անհամբեր սպասում եմ, որ Նիկոլի ձևակերպումների համար դատավորներից դեռ պետք է ներողություն խնդրեք, երբ էս դավաճան հովեկը նրանց կոչեց «վնգստացող»։ Դուք դեռ շատ բաների պատասխաններ եք տալու, դա գոնե լավ գիտեք, իսկ Նառային պիտի մի բան խնդրեմ՝ սրանց մի քիչ գիրք տուր, թող կարդան, Սամվելի թարգմանությունները տուր թող գոնե կրթվեն, բայց սկզբի համար Թումանյանի հեքիաթներն են հրատապ օրակարգում՝ «Սուտասանը», «Անխելք մարդը», «Ձախորդ փանոսը» ու
«Ոսկու կարասը»։ Եթե էս հեքիաթները գոնե ընկալեն, երկրորդ մասով կարաս անցնես Ջոյսին....»: