«Փաշինյանին սպանելու կոչն ինձ մոտ ինչ-որ հետքեր ծածկելու կասկածներ է առաջացնում». Վահրամ Աթանեսյան

Քաղաքական վերլուծաբան Վահրամ Աթանեսյանը ֆեյսբուքյան իր էջում գրել է. «Փաշինյանի պատասխանատվության մասին իմ անձնական տեսակետը համառոտ կրկնեմ. կարող էր աղետից խուսափել՝ ստորագրելով Լավրովի պլանը: Իսկ երբ պատերազմն սկսված էր, չպետք է բանակին մահապարտության հրաման տար: Բայց օրինական երկրում մեղավորությունն ապացուցել և պատիժ սահմանել կարող է միայն դատարանը: Իսկ Փաշինյանին սպանելու կոչն ինձ մոտ ինչ-որ հետքեր ծածկելու կասկածներ է առաջացնում. երբ մարդն այլևս չի կարող բացատրություն տալ, մնում է ի՞նչ: Դավաճանության չապացուցված վարկածը: Որպես վասն հերթական ցնորամտության՝ եկող սերունդների կյանքը խեղելու հոգեբանական գործիք»: