Արցախում սկսվել է «Սպուտնիկ-V»-ի 2-րդ չափաբաժնով՝ ռուս խաղաղապահների պատվաստումը

1365

Ուրբաթ, 05 փետրվարի, 2021 թ., 12:20

Ռուսաստանի խաղաղապահ զորակազմի ռազմական բժիշկներն Արցախում սկսել են Սպուտնիկ-V պատվաստանյութի՝ 2-րդ չափաբաժնով պատվաստումները: Այս մասին հայտնում է ՌԴ ՊՆ-ը։

«Առաջին պատվաստանյութը ստացել են ռուսական խաղաղապահ զորախմբի հրամանատարության ներկայացուցիչները, ինչպես նաև Ստեփանակերտում տեղակայված բժշկական ստորաբաժանումների զինծառայողները: Հետագայում, հաստատված ժամանակացույցի համաձայն, բժիշկների շարժական թիմերը պատվաստելու են բոլոր 27 դիտակետերում առաջադրանքներ կատարող անձնակազմին:
Ընդհանուր առմամբ, Արցախ է առաքվել պատվաստանյութի մոտ 2 000 չափաբաժին։ Այդ թիվը բավարար է խաղաղապահների ամբողջ անձնակազմի համար: Պատվաստանյութը առաքվում է հատուկ ջերմային տարաների մեջ, որոնք ապահովում են պատվաստանյութի անվտանգությունը փոխադրման ընթացքում:
Պատվաստումն ավարտելուց հետո բոլոր զինվորականները ստանում են կանխարգելիչ պատվաստումների սերտիֆիկատ, որում նշվում է «Սպուտնիկ-V» պատվաստանյութի 1-ին և 2-րդ չափաբաժինների ներարկման ժամկետները»,- ասված է հայտարարության մեջ: