«Հանդիպելով «հարազատ ժողովրդի» հետ՝ վարչապետ-բռնապետիկն իր դիտարկումները ներկայացրեց «Իմ քայլին»». Ա. Իշխանյան

«Հայաստանի Հելսինկյան կոմիտե» ՀԿ նախագահ, իրավապաշտպան Ավետիք Իշխանյանը ֆեյսբուքյան իր էջում գրել է. «ԿԱՌՈԻՑՈՂԱԿԱՆ ՈՐՈՇՈՒՄ
Հանդիպելով «հարազատ ժողովրդի», այն է՝ Աբաջյանի կեղծ պապիկի, կեղծ Աշոտի կեղծ տատիկի, Ցեղասպանության հուշարձան այցելած կեղծ պապիկի, «ոտքերդ պաչեմ» կեղծ տատիկի, «մեզ մենակ չթողնես» կեղծ կնոջ, «Արմնյուզը փակի» կեղծ տղամարդու, այսինքն՝ «հանրության լայն շրջանակների հետ», վարչապետ-բռնապետիկն իր լրջագույն դիտարկումները ներկայացրեց, առաջադեմ, ինքնուրույն, ազատամիտ, ժողովրդավարական արժեքներով առաջնորդվող «Իմ քայլը» խմբակցության անդամներին։ Իսկ «հանրության լայն զանգվածները» մերժում են արտահերթ ընտրություններն ու ողջունում պատերազմում պարտությունը և Արցախի հանձնումը։ Քննարկումն անցավ բուռն, բայց կառուցողական մթնոլորտում։ Ի վերջո, նույնիսկ ամենաարմատական ժողովրդավար իմքայլականները տեղի տվեցին սիրելի առաջնորդի փաստարկներին և միաձայն քվեարկեցին հօգուտ նրա կողմից առաջարկված քայլերին»։