«Էդ անբարոյականի զավակ Նիկոլին շանսատակ եմ անելու»․ Պավլիկ Մանուկյան

«Հանցագործները կալանավորել են ազգի հերոսին, ինչ է թե ասել է՝ Նիկոլ Փաշինյանին շանսատակ անեմ, դե ես էլ եմ շանսատակ անելու։ Մեկ ա, Նիկոլի վերջը շանսատակ լինելն ա»,- այսօր ՀՀ գլխավոր դատախազության դիմաց ակցիայի ժամանակ հայտարարեց ազատամարտիկ, «Ազգային ժողովրդավարական բևեռ»-ի անդամ Պավլիկ Մանուկյանը՝ անդրադառնալով Վահան Բադասյանի կալանավորմանը:

Մանուկյանը այնուհետև դիմելով ոստիկաններին ասաց․ «Էդ անբարոյականի զավակը վերջը պետք ա շանսատակ լինի»։

«Հայրենիքը դավադրաբար վաճառում են, ազգը ցեղասպանության են ենթարկում, ցեղասպանությունը կանխողներին դատապարտում են, կամ էլ կամայականորեն վերաբերմունք ցուցաբերում․․․։ Այս ապիկար իշխանությունները վաղ թե ուշ հայտնվելու են Սերժ Սարգսյանի անվան աղբանոցում»,- հայտարարեց Մանուկյանը՝ պահանջելով իշխանություններից ազատ արձակել Վահան Բադասյանին։