««Իմ քայլի» հայտարարությունը լուրջ մի՛ ընդունեք». Էդմոն Մարուքյան

ԱԺ «Լուսավոր Հայաստան» խմբակցության ղեկավար Էդմոն Մարուքյանը, լրագրողների հետ ճեպազրույցում անդրադառնալով «Իմ քայլի» երեկվա հայտարարությանը, ասել է, որ «իշխանությունն արել է հետաքրքիր մանիպուլյատիվ քայլ»: «Արտահերթ ընտրությունը եղել է իր օրակարգը, որը չի մերժվել ոչ մեկի կողմից, ու բոլորն ասել են՝ այո՛, արեք ընտրություններ, ինքն էլ ի պատասխան ասել է՝ դե եթե ուզում եք անենք, եկեք հուշագիր ստորագրենք: Հիմա էլ կարող ա ասենք՝ հա՛, ստորագրենք, հետո էլ ուրիշ բան ուզեն: Ուզում եք ընտրություն անել՝ ցրեք ԱԺ-ն, անենք, չեք ուզում անեք, ասեք՝ չենք ուզում»,- ասաց պատգամավորը՝ հավելելով, որ «Իմ քայլի» հայտարարությունը պետք չէ լուրջ ընդունել. «Չեմ բացառում, որ չորեքշաբթի՝ հարցուպատասխանի ժամանակ, վարչապետն ասի՝ կարծում եմ՝ արժե անել ընտրություններ: Լուրջ մի՛ ընդունեք ոչ մի հայտարարություն: Արտահերթ ընտրությունները լինելու են»: