«Ինչո՞ւ է Ռուբեն Վարդազարյանը փախել այսօրվա նիստից»․ Արման Բաբաջանյան

Անկախ պատգամավոր Արման Բաբաջանյանն այսօր ԱԺ նիստի ժամանակ ԲԴԽ նախագահի ԺՊ Ստեփան Միքայելյանին հարցրեց․ «Անցյալ երկուշաբթի ձեր ԲԴԽ նախագահը ողջ-առողջ եկել է աշխատանքի մինչև ուրբաթ ներառյալ և հանկարծ մեկնել է արձակուրդ։ Ի՞նչ է պատահել ԲԴԽ նախագահ Ռուբեն Վարդազարյանին, ինչո՞ւ է նա փախել այսօրվա նիստից, և ինչո՞ւ եք համաձայնել ներկայացնել այստեղ այս շատ կարևոր քննարկման առարկա հանդիսացող հարցը՝ Վճռաբեկ դատարանի նախագահի թեկնածության հարցը»։

Հարցին ի պատասխան՝ Ստեփան Միքայելյանն ասաց․ «Նախ ասեմ՝ ինչու եմ համաձայնել․ ինձ համար պատիվ է իմ գործընկերոջը ներկայացնելը։ Ինչ վերաբերում է Վարդազարյանի՝ այսօրվա նիստին ներկա չգտնվելու փաստին, ասեմ՝ դա առողջական խնդիրների հետ է կապված։ Չգիտեմ՝ ինչքանով եք տեղյակ, որ հեծանիվ վարելու ընթացքում ինքը վնասվել էր և պարբերաբար ողնաշարի հատվածում բժշկական պրոֆիլակտիկ միջամտության կարիք է զգում»։