Ավինյանը՝ մարդահամարի անցկացման հնարավոր ժամկետների մասին

ԱԺ «Լուսավոր Հայաստան» խմբակցության պատգամավոր Սարգիս Ալեքսանյանն այսօր գործադիրից հետաքրքրվեց, թե նախատեսո՞ւմ են արդյոք հաջորդ տարի իրականացնել մարդահամարը, որը ՀՀ-ում, ըստ օրենքի, իրականացվում է 10 տարին մեկ անգամ:

Փոխվարչապետ Տիգրան Ավինյանն հարցին ի պատասխան ասաց, որ մարդահամար անցկացնելու նախապատրաստական աշխատանքները սկսվել են դեռևս 2019 թվականից. «Մարդահամարը, ցավոք սրտի, հնարավոր չեղավ իրականացնել կորոնավիրուսի համավարակի պատճառով: Այդ ծախսերը նախատեսված էին 2020-ի բյուջեում: Եթե համավարակի հետ կապված խնդիրները լուծված լինեն, կարծում եմ, մենք կհասցնենք անցկացնել նաև մարդահամարը, եթե ոչ, դա տեղի կունենա 2022 թվականին»,- ասաց Ավինյանը: