«Բավականին մեծ արձագանք ստացավ իմ՝ քաղաքականություն մտնելու լուրը». Մհեր Արմենիա

Երեկ հայտնի դարձավ, ոչ երգիչ Մհեր Արմենիան քաղաքականություն մտնելու հայտ է ներկայացրել: Թեմայի առնչությամբ այսօր նա Ֆեյսբուքյան իր էջում գրել է. «Երեկ բավականին մեծ արձագանք ստացավ իմ՝ քաղաքականություն մտնելու լուրը, սակայն, ոչ զարմանքով, սպասում էի, որ այդ տեղեկատվությունը կառաջացնի ոմանց մոտ ծիծաղի կամ ծաղրի առարկա:
Այդ առումով կարող եմ ասել հետևյալը՝ ուրախ եմ, որ հասարակության որոշ հատվածի երեսին մի փոքր ժպիտ առաջացավ այս տխուր ժամանակահատվածում:
Բայց եթե լուրջ, ինձ հետաքրքիր է, իսկ ինչո՞ւ, երբ դերասան Հայկ Մարությանը հայտարարեց, որ դառնում է «Իմ քայլը» կուսակցության անդամ և առաջադրվեց ու ընտրվեց Երևան քաղաքի քաղաքապետ, այդ ժամանակ սոռոսաիշխանական և գլոբալիստական դեսանտներից ոչ մեկ չառարկեց, և ոչ էլ ընդդիմացավ այդ իրադարձությանը:
Միգուցե դուք այդ ժամանակ պատրա՞ստ էիք համաձայնվել ամեն ինչին, քանզի հեղափոխական «վոժդին» դա պե՞տք էր, թե՞, միգուցե ձեզ համար մեկ էր, որ դերասան Հայկ Մարությանը ընդհանրապես կապ չուներ քաղաքականության հետ, առավել ևս՝ Երևան քաղաքը ղեկավարելու հետ, թե՞ ձեզ համար ամենակարևորը, որ հեղափոխական «վոժդը» ձեզնով «դավոլնի» լինի...
Սպառվե՛լ եք, սոռոսաիշխանական գլոբալիստական դեսպաններ։
Աստծո և մի ամբողջ ազգի առջև պատասխան պիտի տաք, թե ոնց կարողացաք առևտրի առարկա դարձնել Հայրենիքը...
Ի դեպ՝ ասեմ, որ ծիծաղում է նա, ով ծիծաղում է վերջում...»: