«Հնարավո՞ր է բանակցային գործընթացում փոփոխություն, եթե դուք գաք իշխանության»․ լրագրողը՝ Վազգեն Մանուկյանին

«Ղարաբաղյան հակամարտության կարգավորման հարցը երեք հզոր պետությունների ներկայացուցիչներով և համաշխարհային կարծիքով բաղկացած էր երկու հարցից. մեկը Ադրբեջանի տարածքների վերադարձն էր, մյուսը ինքնորոշման հարցն էր: Երբ Ադրբեջանը պատերազմում պարտվեց, ինքը չըկճվեց, շարունակեց բանակցությունները, իսկ վերջում պատերազմով լուծեց այդ հարցը: Բայց հարցը դեռ չի լուծված, միջազգային հանրությունը համարում է, որ Արցախի ինքնորոշման հարցը գոյություն ունի»,- Ազատության հրապարակում լրագրողների հետ զրույցում ասաց «Հայրենիքի փրկության շարժման» վարչապետի թեկնածու Վազգեն Մանուկյանը՝ նշելով, որ պատահական չէ, որ նույնիսկ նոյեմբերի 9-ի փաստաղթղի մեջ նշվում է, որ Արցախն ինչ-որ ճանապարհով միանում է Հայաստանի հետ, ինչը նշանակում է հարցի լուծումն առջևում է:

Հարցին՝ հնարավո՞ր է բանակցային գործընթացում փոփոխություն, եթե դուք գաք իշխանության, քաղաքական գործիչը պատասխանեց․ «Կարծում եմ՝ այո․․․ Հստակ է, որ ինչ իշխանություն էլ ձևավորվի, պետք է ամրապնդի ՀՀ սահմանները, և բարձրացնի Արցախի հարցը եռանախագահների մոտ: Ես կարծում եմ՝ դա հեռանկար ունի»: