«Էդ ո՞ւմ ա է՜ երեսով տալիս». Էդմոն Մարուքյան

ԱԺ «Լուսավոր Հայաստան» խմբակցության ղեկավար Էդմոն Մարուքյանն այսօր՝ լրագրողների հետ զրույցի ժամանակ անդրադարձավ վարչապետ Փաշինյանի ֆեյսբուքյան գրառմանը, որտեղ վերջինը հայտարարել էր, թե իր ղեկավարության օրոք բանակում ծառայող սպաների և պայմանագրային զինծառայողների աշխատավարձերը բարձրացել են. «Սա մանկապարտե՞զ ա, ի՞նչ ա: Նախ, աշխատավարձերը որ բարձրացվել ա, լավ չի բարձրացվել, ստեղից սկսենք. մենք անդադար առաջարկել ենք, որ սահմանին կանգնած պայմանագրային զինծառայողների աշխատավարձերը բարձրացվեն, քիչ է բարձրացվել, և երկրորդը, չի կարելի նման բաները երեսով տալ, էդ ո՞ւմ ա է՜ երեսով տալիս, զոհված սպաների ընտանիքների՞ն»,- լրագրողների հետ զրույցի ժամանակ հայտարարեց Մարուքյանը՝ հավելելով, որ Փաշինյանի գործողությունները միտված են բանակը գլխատելուն, որպեսզի չբացայտվեն պատերազմում պարտության որոշ փաստեր: