«Եթե սա քաղաքական դիվիդենտ հավաքելու պարզունակ հնարք չէ, ապա ի՞նչ է». Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «ԱԱԾ նախկին պետ Արթուր Վանեցյանը հայտարարում է, որ կարող է գերիների հարցը լուծել մի քանի օրում, եթե գա իշխանության, անձնական կապերի շնորհիվ: Ինչ կապերի մասին է խոսքը, չգիտեմ, բայց երբ հարցնում են՝ եթե կարող է, կլուծի՞, որ իշխանությունը դիմի, ըստ էության, պատասխանում է՝ մենք հիմա ուրիշ հարց ենք լուծում, հայրենիքի փրկության հարցը: Եթե սա պարզապես քաղաքական դիվիդենտ հավաքելու պարզունակ հնարք չէ, ապա ուրիշ ի՞նչ է՝ ուղեղիս մեջ չի տեղավորվում: Բայց կասկած չունեմ, որ դա ուղեղիս, ոչ թե միտքն արտահայտողի բարոյա-քաղաքական մասշտաբի փոքրությունից է:

Հ. Գ. Խնդրում եմ չթողնել որևէ վիրավորական մեկնաբանություն, իմ պատը մշտապես փորձում եմ զերծ պահել այդպիսի բովանդակությունից»: