«Ամեն ինչ Օնիկ Գասպարյանի գլխին է ջարդվելու». Արամ Սարգսյան

«Հանրապետություն» կուսակվության նախագահ Արամ Սարգսյանն այսօր «24 TV»-ի եթերում նշել է, որ ԳՇ աղմկահարույց հայտարարությունը, որը իշխանության կողմից որակվեց որպես «հեղաշրջման փորձ», գործող քաղաքական իրավիճակի հետևանք է:

«Քաղաքական խնդիրներ են առաջացել, որոնք չեն լուծել քաղաքական գործիչները և այդ չլուծվածության խնդիրը բերել, հասցրել են բանակին: Եվ բանակին կա՛մ դրդել են, կա՛մ ստիպված մտել է դրա մեջ»,- ասել է Սարգսյանը:

Ըստ քաղաքական գործչի՝ ամեն ինչ զինվորականության, Օնիկ Գասպարյանի գլխին է ջարդվելու։ Նա չի մնա՝ ով էլ լինի իշխանության։ Հիմնավորելով իր խոսքը՝ Սարգսյանն ասել է. «2008 թվականի մարտի 1-ին զորքերը քաղաք իջեցնողն ու հրահանգ տվողն ասաց, որ դրա հետ կապ չունի։ Այն արել է Միքայել Հարությունյանը (խմբ․՝ ՀՀ ՊՆ նախկին նախարար, Մարտի 1-ի քրեական գործով մեղադրյալ)։ Կարծում եմ, որ մեկ շաբաթ հետո այդ հարթակի մարդիկ կամ նրանց թիկունքում կանգնածներն ասելու են նույնն Օնիկ Գասպարյանի մասին։ Վաղն ամեն ինչ զինվորականների գլխին է ջարդվելու»:

Մանրամասները՝ տեսանյութում: