«Եթե նույնիսկ ԳՇ պետը կապ է հաստատել պաշտոնաթող նախագահների հետ, ապա Փաշինյանն ուղիղ կապ է հաստատել Ալիևի հետ»․ Շարմազանով

«Եթե նույնիսկ գլխավոր շտաբի պետը կամ մեր գեներալները կապ են հաստատել պաշտոնաթող նախագահների հետ, ապա նրանք կապ են հաստատել թուրքին ծնկի բերած Արցախի հերոսների հետ, ոչ թե իր նման ուղիղ կապ են հաստատել Ալիևի հետ»,- Դեմիրճյան փողոցում, լրագրողների հետ զրույցում, ասաց ՀՀԿ խոսնակ Էդուարդ Շարմազանովը՝ անդրադառնալով Նիկոլ Փաշինյանի հայտարարությանը, թե ԳՇ պետ Օնիկ Գասպարյանը ՀՀ երրորդ նախագահ Սերժ Սարգսյանի դրդմամբ է նման հայտարարություն արել:

«Դա զառանցանք է», -ասաց Շարմազանովը՝ հավելելով, որ Փաշինյանը չի կարող ընտրություններ կազմակերպել, ուստի պետք է հեռանա։