«Էս կինոն թուրքերն ու ռուսները մեզ արդեն ցույց են տվել․ նույն սխալն ենք անում»․ Հրանտ Վարդանյան

«Այն, ինչ այսօր տեղի է ունենում տխուր տրագիֆարս է, տպավորություն է, որ նույն բեմի վրա մի քանի ներկայացում է տեղի ունենում, և թատերաբեմը Հայաստանն է: Խառնաշփոթ է»,- «Առաջին լրատվական»-ի եթերում հայտարարել է ռեժիսոր Հրանտ Վարդանյանը:

Ռեժիսորի խոսքով՝ մեր ժողովուրդն ընդհանուր ցավի մեջ միասնական է դառնում, բայց արարման ու կառուցելու մեջ միասնական չի կարողանում լինել:

«Այսօր ես միսիոններների չեմ տեսնում, բոլորն իրենց քաղաքական նպատակներն ունեն: Ինձ համար ընկալելի է միայն այն, ինչը վերաբերում է ազգային շահին, մեր խնդիրներն, գլոբալ հարցերի լուծմանը: Այսօր կարևորագույն բաներից չեն խոսում: Չեն խոսում այն մասին, որ չի կարելի նույն սխալները 100 տարին մեկ անել: Էս կինոն թուրքերն ու ռուսները մեզ ցույց են տվել, մենք տեսել ենք, չի կարելի ուրիշի հարկադրությամբ նույն պավիլիոնում նույն կինոն նայել, ես համաձայն չեմ: Ամեն ինչ ասվում ու արվում է, ամեն մեկն ուզում է թագավոր լինել, բայց «մուծիկուլիություն» անելով թագավոր չեն դառնում, թագավոր են ուզում լինել, բայց գող են, թագավորը գողություն չի անում, թագավոր լինելը հզոր պատասխանատվություն է»,- ասել է ռեժիսորը՝ հավելելով, որ մեր իրականության մեջ կան մարդիկ, որոնք քաղաքականությունից դուրս են, բայց իրենց արժանապատվությամբ, պատասխանատվությամբ թագավոր կարող են լինել:

Մանրամասները՝ սկզբնաղբյուրում: