«Իշխանության՝ արտահերթ ընտրությունների որոշումը մեր ձեռքբերումն է». Իշխան Սաղաթելյան

«Հայրենիքի փրկության շարժման» համակարգող, ՀՅԴ ԳՄ անդամ Իշխան Սաղաթելյանն այսօր՝ լրագրողների հետ զրույցի ընթացքում հայտարարեց, որ երբ պաշտոնապես նշանակվի ընտրության օրը, իրենք նոր կմտածեն, թե ինչ են անելու. «Եթե անկախ մեր կամքից դրվի ընտրությունները և հարցը փակված լինի, էն ժամանակ կմտածենք մեր դիրքորոշման մասին և կհայտարարենք: Էս փուլում մենք էդ մասին չենք մտածում: Օրվա նշանակումից հետո կմտածենք, թե ինչ մարտավարություն ենք մշակում, եթե որոշենք, որ բոյկոտում ենք ընտրությունները և գնում այլ ուղղությամբ, մարտավարությունը կլինի այլ, եթե որոշենք, որ մասնակցում ենք և այդ ճանապարհով ենք գնում Փաշինյանի հեռացմանը, այդ ժամանակ հանդես կգանք հայտարարությամբ: Բայց հիմա խոսել մի բանի մասին, որը գոյություն չունի... Ես ասում եմ, որ դա կարող է ամեն վայրկյան չլինել, չեղարկվել. դա էդ մարդու տեսակն ա»,- ասաց Սաղաթելյանը:

Զրույցի ընթացքում նա նաև հայտարարեց, որ իշխանության՝ ընտրությունների գնալու որոշումը ՀՓՇ-ի և քաղաքացիների ձեռքբերումն է: