«Ու էդ մարդիկ ինձ խորհուրդ են տալիս փախնել». Նիկոլ Փաշինյան

«30 տարի, երբ ասում էինք՝ էս ի՞նչ ա, ի՞նչ թալան ա, ասում էին՝ բա բանակ ենք պահում, առաջնագիծ ենք պահում: 2016-ին պարզվեց, որ 80-ականների զենքերից էն կողմ ոչ մի բան չունենք: Հետո պարզվեց, որ էդ՝ աչքով տված գումարները Եվրոպաներում հյուրանոցներ են, դղյակներ են, առանձնատներ են»,- Ուջանում հանդիպման ժամանակ հայտարարեց վարչապետ Նիկոլ Փաշինյանը: «Ու էդ մարդիկ ինձ խորհուրդ են տալիս փախնել: Ես Եվրոպայում կամ Ամերիկայում դղյակ չունեմ, էդ դուք եք, որ ամեն օր մտածել եք ձեր փախնելու մասին, թե որտեղ եք պատսպարվելու: Ես փախնելու տեղ չունեմ, իմ գնալու տեղը Ուջանի գյուղամեջն ա, ու Ուջանի ժողովուրդը կարա որոշի՝ ինչ ա անում»,- շարունակեց Փաշինյանը՝ անդրադառնալով ավելի վաղ հնչեցրած իր հայտարարությանը: