Փետրվարի սկզբից՝ Մյանմայում բախումների հետևանքով ավելի քան 300 մարդ է զոհվել. #AP

1764

Ուրբաթ, 26 մարտի, 2021 թ., 15:20

Մյանմայում բողոքի ակցիաների մասնակիցների և ուժայինների միջև բախումների հետևանքով փետրվարի 1-ից զոհվածների թիվը հասել է 320-ի: Այս մասին հայտնել Է Associated Press գործակալությունը։

Գործակալության տվյալներով՝ փետրվարի 1-ից ձերբակալվել կամ ազատազրկման է դատապարտվել 2 981 քաղաքացի։
Մարտի 22-ին իրավապաշտպանները հայտնել էին 250 զոհի մասին։ Հաջորդ օրը Մյանմայի զինվորականները հաստատել էին միայն 164 ցուցարարի մահը:
Ավելի վաղ ՄԱԿ-ի գլխավոր քարտուղար Անտոնիո Գուտերեշը դատապարտել էր Մյանմայում զինվորականների կողմից բռնությունը: Ապրիլի 1-ին ՄԱԿ-ը նախատեսում է պատժամիջոցներ սահմանել այդ պետության դեմ։