«Ապրիլի 24-ին թուրքական իշխանությունը դիվանագիտական «ձիու քայլ» է անելու»․ Նաիրի Հոխիկյան

Միջէթնիկ հակամարտությունների փորձագետ Նաիրի Հոխիկյանը ֆեյսբուքյան իր էջում գրել է. «24-ին հաշտության առաջարկ կանի հայերին․ Թուրքիայից ազդակներ եմ ստանում, որ ապրիլի 24-ին թուրքական իշխանությունը դիվանագիտական «ձիու քայլ» է անելու՝ վերջնականապես կոտրելու հայկական ազգային իմունիտետը և գրավելու Հայաստանը առանց զենքի։

Էրդողանը ցավակցություն կհայտնի «Մեկ դար առաջ տեղի ունեցած իրադարձությունների (ցեղասպանության) երկու կողմի զոհերի» համար և կառաջարկի նոր էջ բացել երկու պետությունների հարաբերությունների համար։

Էրդողանը պատրաստակամություն կհայտնի բացել Հայաստանի հետ սահմանները, վերագործարկել ճանապարհները և երկաթուղիները, սկսել առևտուրը և համատեղ տնտեսական խոշոր ծրագրեր։

Սա այն համեղ պատառն է, որի մեջ դրված թույնը կսպանի հայկական պետականությունը։

Ապրիլի 20-30-ի ընթացքում Նիկոլ Փաշինյանը պետք է հրաժարական տա, որ հունիսի 20-ին կազմակերպվեն արտահերթ ընտրությունները, բայց երբ Էրդողանն անի այդպիսի հաշտության առաջարկ, ՀՀ վարչապետն անպայման կօգտագործի առիթը և կդիմի ժողովրդին՝ նոր, լավ կյանք սկսելու և ընտրությունները չեղարկելու հարցով, ինչին մեծ թվով մարդիկ կպատասխանեն ԱՅՈՈՈՈ՝ առանց հասկանալու, որ «այո» ասում են իրենց ու իրենց զավակների մահվանը։

Պատրաստ լինենք այսպիսի սցենարին։ Մենք՝ «անուղեղ հայրենասերներս», պարտավոր ենք ամեն ինչ անել, որ ձախողենք թուրքական կողմի այդ ծրագիրը։ Հայաստանի ճակատագիրը չեն կարող տնօրինել մի խումբ արկածախնդիր «անհայրենիք տականքներ»»։