«Դուք դա չեք անում, որովհետև Ձեզ վրա կծիծաղեն». Դանիբեկյանը թույլ չտվեց Ալումյանին ավարտել ելույթը

Ռոբերտ Քոչարյանի պաշտպաններից Հայկ Ալումյանն արձագանքեց դատավոր Աննա Դանիբեկյանի հայտարարություններին՝ պաշտպանական կողմի՝ մարտի 23-ին նիստին դրսևորած վարքագծի վերաբերյալ:

«Նախ լավ կլիներ, որ դատարանն ինքն իր կողմից բացառեր դատարանում կարգի խախատումները: Չեմ ասում դատավարական խախտումները, որոնք լեցուն են էս դատավարությունում: Գոնե կարգի խախտում նիստերի ժամանակ դատարանը պիտի բացառեր ինքն իր համար»,- ասաց Ալումյանը՝ ընդգծելով, որ դատավորը նիստի մեկնարկին չի հայտարարել, թե որ գործն է քննվելու, ինչը խախտում է:

«Դուք դա չեք անում, որովհետև չեք կարող հայտարարել, որ այստեղ մեկնումեկը մեղադրվում է Քրական օրենսգրքի 300.1 հոդվածով, որովհետև Ձեզ վրա կսկսեն ծիծաղել: Դուք դատարանը դրել եք ծիծաղելի սուբյեկտի տեղ»,- ասաց Ալումյանը:

Աննա Դանիբեկյանն ընդհատեց փաստաբանին՝ հայտարարելով, որ նա անցնում է կոռեկտության սահմանները: