«Թուրքիայի հետ բարեկամանալով՝ փաստացի ժխտում եք Հայոց ցեղասպանությունը». լրագրողները՝ ԱԽ քարտուղարին

Այսօր Եռաբլուրում լրագրողներն ԱԽ քարտուղար Արմեն Գրիգորյանից հետաքրքվեցին, թե Թուրքիայի հետ մեր մոտեցումներում ի՞նչ շտկումներ պետք է արվեն:

Գրիգորյանը խուսափեց պատասխանել. «Օրվա խորհրդից ելնելով՝ որևէ հարցի չեմ պատասխանելու»:

«Դուք օրվա խորհրդից եք խոսում, այդ դեպքում օրվա խորհրդից Դուք ի՞նչ դասեր եք քաղել. Թուրքիան ու Ադրբեջանը կարո՞ղ են մեզ բարեկամ լինել»,- շարունակեցին լրագրողները: «Ես ձեզ արդեն պատասխանել եմ... ուրիշ առիթով կպատասխանեմ ձեր հարցերին»,- ասաց պաշտոնյան: «Դուք ժխտո՞ւմ եք, որ Հայոց ցեղաասպանություն է եղել: Թուրքիայի հետ բարեկամանալով՝ փաստացի ժխտում եք Հայոց ցեղասպանությունը»,- հավելեցին լրագրողները: Գրիգորյանը հակիրճ պատասխանեց. «Նման բան բացառվում է»: